سوال:
پچھلے سال میرے شوہر کی نوکری نہیں تھی، میں نے ہم دونوں کے جمع کیے ہوئے زکوۃ کے پیسے انہیں دے دیے، شوہر نے وہ رقم گھریلو اخراجات اور بچوں پر خرچ کردی، کیونکہ گھر چلانے کے پیسے نہیں تھے، کیا میری پچھلے سال کی زکوۃ ادا ہوگئی ہے؟
جواب: واضح رہے کہ میاں بیوی ایک دوسرے کو اپنی زکوۃ نہیں دے سکتے۔ پوچھی گئی صورت میں چونکہ بیوی کی زکوۃ کی رقم شوہر نے استعمال کرلی ہے، اس لیے زکوۃ ادا نہیں ہوئی ہے، لہذا بیوی کو چاہیے کہ دوبارہ اپنی زکوۃ نکال کر کسی مستحق کو دیدے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الفتاویٰ الھندیة: (189/1، ط: رشیدیة)
ولا یدفع إلی أصله وإن علا وفرعه وإن سفل، کذا في الکافي، ولا یدفع إلی امرأته للاشتراك في المنافع ولا تدفع المرأۃ إلی زوجها عند أبي حنیفة رحمه اللّٰہ تعالیٰ۔
واللّٰه تعالٰی اعلم بالصواب
دارالافتاء الاخلاص،کراچی