سوال: اگر کوئی شخص قسم کھانے سے پہلے اسے لکھے تاکہ بعد میں اس کو یاد رہے کہ کن الفاظ سے قسم کھائی تھی تو سوال یہ ہے کہ کیا لکھتے ہوئے قسم منعقد ہوجائے گی، اگرچہ اس نے ابھی کھانے کی نیت نہیں کی اور نہ ہی کھائی ہے، بس لکھی ہے تاکہ بعد میں کھا سکے؟
اسی طرح کسی کسی کی لکھتے ہوئے منہ سے پڑھنے کی عادت ہوتی ہے تو اگر وہ عادت کے مطابق لکھتے ہوئے منہ سے قسم کے الفاظ بھی ادا کر رہا تھا تو اس صورت میں قسم کب سے منعقد ہوگی؟

جواب: واضح رہے کہ قسم کی نیت کے بغیر بھی اگر کوئی شخص قسم کے الفاظ کہہ دے یا صراحت کے ساتھ واضح طور پر لکھ دے تو اس سے قسم منعقد ہوجاتی ہے، نیز لکھنے کی صورت میں قسم منعقد ہونے کے لیے الفاظِ قسم کا تلفظ ضروری نہیں ہے، بلکہ قسم کے الفاظ لکھتے ہی قسم منعقد ہوجائے گی۔