سوال:
مفتی صاحب! سوال یہ ہے کہ قرآن پاک کی تلاوت کے بعد "صدق اللہ العظیم" کہا جاتا ہے۔ کیا حضور نبی کریم ﷺ، صحابہ کرامؓ یا تابعینؒ بھی تلاوتِ قرآن کے بعد ایسا کہا کرتے تھے؟
جواب: امام قرطبیؒ نے قرآنِ مجید کی تلاوت سے فارغ ہونے پر "صدق الله العظیم" کہنا تلاوتِ قرآن کے آداب میں سے لکھا ہے، کیونکہ اس کے پڑھنے والا اللہ تعالی کے کلام پر اپنے مضبوط ایمان کا اظہار کرتا ہے، لہذا تلاوتِ قرآن سے فارغ ہونے پر سنت یا لازم سمجھے بغیر "صدق الله العظیم" کہنا درست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
تفسير القرطبي: (27/1، ط: دار الكتب المصرية)
ومن حرمته إذا انتهت قراءته أن يصدق ربه، ويشهد بالبلاغ لرسوله صلى الله عليه وسلم، ويشهد على ذلك أنه حق، فيقول: صدقت رب وبلغت رسلك، ونحن على ذلك من الشاهدين، اللهم اجعلنا من شهداء الحق، القائمين بالقسط، ثم يدعو بدعوات.
واللہ تعالٰی اعلم بالصواب
دارالافتاء الاخلاص،کراچی