سوال:
ایک بندے کے دو گھر ہیں، ایک میں خود رہتا ہے، دوسرا کرائے پر دیا ہوا ہے، جو کرایہ آتا ہے، اس سے گھر کے اخراجات چلائے جاتے ہیں،
کیا اس دوسرے گھر کی آمدنی پر زکوٰۃ ہوگی ؟
جبکہ وہ خرچ ہوجاتی ہے۔
جواب: واضح رہے کہ رہائشی مکان پر زکوٰۃ واجب نہیں ہوتی ہے، اسی طرح وہ مکان جو کرایہ پر دیا ہوا ہو، اگر اس کا کرایہ سال بھر محفوظ نہ رہتا ہو، استعمال میں آجاتا ہو، تو اس صورت میں استعمال شدہ کرایہ پر بھی زکوۃ لازم نہیں ہوگی، البتہ اگر مذکورہ شخص پہلے سے صاحبِ نصاب ہو، تو اس صورت میں جس دن اس کی زکوۃ کا سال مکمل ہورہا ہو، اس دن تک جتنا کرایہ موجود ہو، استعمال میں نہ آیا ہو، اسے کل مال کے ساتھ شامل کرکے کل مالیت کا ڈھائی فی صد بطورِ زکوۃ ادا کرنا لازم ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (265/2، ط: دار الفکر)
(ولا في ثياب البدن)۔۔(وأثاث المنزل ودور السكنى ونحوها) وكذا الكتب وإن لم تكن لأهلها إذا لم تنو للتجارة۔۔۔۔۔۔۔۔(وشرطه) أي شرط افتراض أدائها (حولان الحول)۔۔۔۔۔۔(أو نية التجارة) في العروض، إما صريحا ولا بد من مقارنتها لعقد التجارة كما سيجيء، أو دلالة بأن يشتري عينا بعرض التجارة أو يؤاجر داره التي للتجارة بعرض
الفقہ الاسلامی و ادلتہ: (1947/3، ط: دار الفکر)
اتجه رأس المال في الوقت الحاضر لتشغيله في نواح من الاستثمارات غير الأرض والتجارة، وذلك عن طريق إقامة المباني أو العمارات بقصد الكراء، والمصانع المعدة للإنتاج، ووسائل النقل من طائرات وبواخر (سفن) وسيارات، ومزارع الأبقار والدواجن وتشترك كلها في صفة واحدة هي أنها لا تجب الزكاة في عينها وإنما في ريعها وغلتها أو أرباحها.
واللہ تعالٰی اعلم بالصواب
دارالافتاء الاخلاص،کراچی