سوال: مفتی صاحب! میں نے بیوی کے ساتھ حالت حيض کے تیسرے دن ہمبستری کرلی، میں نے اور اُس نے بہت توبہ کی اور کفارہ دینے کی بھی نیّت کر رکھی ہے۔ اب یہ مسئلہ ہوا ہے کہ میری زوجہ کا حمل ٹھہر گیا ہے اگر یہ حمل حیض والی ہمبستری کا ہوگا تو کیا بچا حرام ہے؟ میں اس مسلے کو لے کر بہت پریشان ہوں، برائے مہربانی آپ اس کا مجھے بتائیں۔

جواب: حالت حیض میں میاں بیوی کا ہمبستری کرنا ناجائز اور سخت گناہ کا کام ہے، اس پر توبہ واستغفار کے ساتھ ساتھ مال صدقہ دینا بھی مستحب ہے، تاہم اس ہمبستری کی وجہ سے اگر حمل ٹھہر جائے تو اس سے بچے کے نسب پر کوئی اثر نہیں پڑے گا، بلکہ اس کا نسب اپنے باپ سے ہی ثابت ہوگا۔