سوال: مفتی صاحب! کمرے میں نماز ادا کرتے وقت باہر سے کوئی پکارے تو اپنی موجودگی کا احساس دلانے کے لیے نمازی کھانسے، کیا اس کھانسنے سے نماز فاسد ہوجائے گی؟

جواب: واضح رہے کہ کسی صحیح غرض اور مقصد کے لیے نماز میں کھانسنے کی وجہ سے نماز فاسد نہیں ہوتی۔
پوچھی گئی صورت میں دورانِ نماز کھانسنا چونکہ ایک صحیح غرض کی وجہ سے ہے کہ دوسرے لوگوں کو معلوم ہوجائے کہ وہ نماز کی حالت میں ہے، لہذا اس کی وجہ سے نماز فاسد نہیں ہوگی۔