سوال: ہم پانچ بندوں نے اسکول کھول کر اس میں کینٹین بھی کھولا ہے، احمد اس کا انچارج ہے، اب احمد اس کی زکوۃ ادا کر سکتا ہے یا ہر ایک خود زکوة ادا کرے؟

جواب: واضح رہے کہ زکوٰۃ ہر شخص پر انفرادی حیثیت میں واجب ہوتی ہے، اس لئے ہر شخص کو اپنے اپنے حصے کی زکوۃ ادا کرنی چاہیے، ایک شخص کا بقیہ شرکاء کی اجازت کے بغیر مشترکہ کھاتے سے زکوۃ ادا کرنا درست نہیں ہے، تاہم اگر تمام شرکاء اس بات پر اتفاق کرلیں کہ کاروبار کے اموال زکوٰۃ میں جس شریک کا جتنا حصہ ہے، اس کے تناسب سے ہر ایک کی طرف سے زکوٰۃ ادا کردی جائے گی تو ایسی صورت میں ہر شخص کی کاروبار میں موجود اموال زکوٰۃ کی زکوٰۃ ادا ہوجائے گی، کاروبار کے علاوہ باقی اثاثہ جات میں الگ سے زکوٰۃ ادا کی جائے گی۔