سوال:
مفتی صاحب! کیا جنازے کی چارپائی کے چاروں اطراف پر سورہ ملک پڑھنا جائز ہے؟ احادیث کی روشنی میں اس کی کیا حیثیت ہے؟ کیا یہ من گھڑت بات ہے؟
جواب: واضح رہے کہ سورۂ ملک کی احادیث مبارکہ میں بڑی فضیلت بیان کی گئی ہے، لیکن باوجود تلاش اور کوشش کے ایسی کوئی حدیث (صحیح، حسن، ضعیف، وغیرہ) حدیث کی کسی بھی معتبر کتاب میں نہیں ملی، جس میں جنازے کی چارپائی کے چاروں کونوں میں سورۂ ملک پڑھنے کا ذکر ہو ،لہذا اس عمل کو لازم و ضروری سمجھنا یا فضیلت کا باعث سمجھ کر کرنا درست نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مسندأحمد:(157/43،رقم الحديث:26033.ط:مؤسسة الرسالة)
عن عائشة، قالت: قال رسول الله صلى الله عليه وسلم: " من أحدث في أمرنا ما ليس منه، فهو رد " .
الاعتصام للشاطبي: (53/1، ط: دار ابن عفان، السعودية)
ومنها: التزام العبادات المعينة في أوقات معينة لم يوجد لها ذلك التعيين في الشريعة، كالتزام صيام يوم النصف من شعبان وقيام ليلته.
واللہ تعالٰی اعلم بالصواب
دارالافتاء الاخلاص، کراچی