سوال:
کیا زکوٰۃ کی رقم قبرستان کے لیے دی جا سکتی ہے؟
جواب: زکوۃ اور صدقاتِ واجبہ (مثلاً: نذر، کفارہ، فدیہ اور صدقہ فطر) ادا ہونے کے لیے یہ ضروری ہے کہ اسے کسی مسلمان مستحقِ زکوۃ شخص کو بغیر عوض کے مالک بناکر دیا جائے، اس لیے قبرستان کی تعمیر وغیرہ پر زکوۃ کی رقم نہیں لگائی جاسکتی، کیونکہ اس میں تملیک نہیں پائی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیۃ: (کتاب الزکاۃ، الباب السابع فی المصارف، 188/1، ط: رشیدیة)
" لايجوز أن يبنی بالزكاة المسجد، وكذا القناطر والسقايات، وإصلاح الطرقات، وكري الأنهار والحج والجهاد، وكل ما لا تمليك فيه، ولايجوز أن يكفن بها ميت، ولايقضى بها دين الميت، كذا في التبيين".
واللہ تعالٰی اعلم بالصواب
دارالافتاء الاخلاص،کراچی