سوال: مفتی صاحب ! کسی نے کہا ہے کہ پانی پیتے وقت اگر مونچھ کو پانی لگ کے منہ میں جائے تو وہ پانی حرام ہو جاتا ہے۔کیا یہ بات سچ ہے ؟

جواب: مونچھ کا اس حد تک بڑھ جانا یا اتنی بڑھا کر رکھنا کہ وہ اوپر کے ہونٹ کی لکیر سے تجاوز کرجائے، شرعاً درست نہیں ہے۔ حدیث میں آتا ہے: آنحضرت ﷺکا ارشاد ہے کہ جو شخص مونچھیں نہیں کاٹتا، وہ ہم میں سے نہیں ہے۔  (مشکوٰة ص:۳۸۱)
کھانے یا پینے کی چیزوں پر مونچھوں کے بال لگنے سے کھانا پینا حرام نہیں ہوتا ہے، البتہ طبعی طور پر آدمی کو اس سے نفرت اور گھن پیدا ہوتی ہے۔