سوال:
جہنم کی آگ سے بچو، اگرچہ کھجور کا ایک ٹکڑا دے کر کیوں نہ ہو، کیا یہ حدیث ہے؟
جواب: یہ روایت بخاری شریف میں موجود ہے،لہذا اس روایت کوبیان کیا جاسکتا ہے۔ذیل میں اس روایت کا ترجمہ ذکر کیا جاتا ہے۔
ترجمہ:حضرت عدی بن حاتم رضی اللہ عنہ سے مروی ہے کہ میں نے جناب رسول اللہﷺ کو یہ کہتے ہوئے سنا کہ "جہنم سے بچو اگرچہ کھجور کا ایک ٹکڑا دے کر ہی سہی"۔( صحیح بخاری،حدیث نمبر:1417)(۱)
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
(۱)صحيح البخاري :2/109،رقم الحدیث : 1417،ط:دارطوق النجاة)
عن أبي إسحاق، قال: سمعت عبد الله بن معقل، قال: سمعت عدي بن حاتم رضي الله عنه، قال: سمعت رسول الله صلى الله عليه وسلم يقول: «اتقوا النار ولو بشق تمرة»
واللہ تعالٰی اعلم بالصواب
دارالافتاء الاخلاص،کراچی