سوال: مفتی صاحب ! یا رسول الله انظر حالنا یا حبیب الله اسمع قالنا الخ کیا یہ شعر پڑھ سکتے ہیں اور اس میں کوئی شرکیہ الفاظ تو نہیں ہیں؟

جواب: واضح رہے کہ ان اشعار میں جناب رسول اللہ صلی الله عليه وسلم سے مخاطب ہوکر شاعر نے اپنے جذباتِ عقیدت کا اظہار کیا ہے اور غلبہ حال کی وجہ سے ان اشعار میں بعض باتیں ایسی آگئی ہیں جن سے بظاہر شرکیہ مفہوم نکلتا ہے گو کہ اس کی تاویل کی جاسکتی ہے، لیکن جہاں شرک سے بچنے کا حکم ہے، وہیں ایسے الفاظ سے بھی اجتناب کرنے کا حکم ہے جن سے شرک کا وہم اور شائبہ ہوتا ہو، نیز ان اشعار میں غیراللہ سے استعانت کی مشابہت بھی پائی جاتی ہے لہذا ان اشعار کے پڑھنے سے اجتناب کرنا چاہیے۔