سوال: السلام علیکم! جناب آج کل گرمی بہت ہے تو کیا اس سخت گرمی کی وجہ سے قمیض اتار کر قرآن پاک کی تلاوت کی جا سکتی ہے؟

جواب: واضح رہے کہ قرآن مجید کے ادب کا تقاضا یہ ہے کہ قرآن مجید کی تلاوت صاف ستھرے کپڑے پہن کر قبلہ رخ بیٹھ کر کرنی چاہیے، لہذا گرمی کی وجہ سے قمیص اور ٹوپی اتار کر قرآن مجید کی تلاوت کرنا قرآن مجید کے آداب کے خلاف ہے، تاہم اس صورت میں بھی اگر کوئی تلاوت کرلے، تب بھی اجر و ثواب سے محروم نہ ہوگا۔