سوال:
حضرت شیخ صاحب ! کیا اپنے زندہ والدین کی طرف سے عمرہ کر سکتا ہوں؟
جواب: واضح رہے کہ کسی زندہ شخص کی طرف سے بھی عمرہ کیا جا سکتا ہے، دوسرے کی طرف سے عمرہ کرنے کی صورت میں احرام باندھتے وقت اسی کی طرف سے احرام باندھنے کی نیت کرے اور تلبیہ بھی اسی کی طرف سے پڑھے، البتہ اگر صرف زندہ شخص کو عمرہ کا ثواب پہنچانا ہو، تو اس صورت میں احرام وتلبیہ میں نیت اپنی ہی کرے گا۔
واللہ تعالٰی اعلم بالصواب
دارالافتاء الاخلاص،کراچی