سوال: میرے ایک بھائی کے پچاس ہزار اور بہن کے دو لاکھ روپے مجھ سے خرچ ہوگئے جن کا میں نے ان کو نہیں بتایا، اب میں وہ رقم انہیں دینا چاہتا ہوں، کیونکہ اب دو سال کے بعد میں اس قابل ہوگیا ہوں کہ رقم ادا کرسکوں، لیکن میں نے انہیں بتایا تو مسئلہ ہوگا، مجھے رقم کی ادائیگی کا ایسا طریقہ بتائیں کہ رقم ادا کردوں اور ان کے سامنے مجھے شرمندگی بھی نہ ہو۔ شکریہ

جواب: پوچھی گئی صورت میں آپ کو چاہیے کہ اپنے بھائی اور بہن کو مذکورہ واجب الادا رقم کسی بھی مد میں مثلاً: ہدیہ وغیرہ کے نام پر واپس کردیں، ایسا کرنے سے آپ کا ذمہ فارغ ہو جائے گا، البتہ بہتر یہ ہے کہ آپ انہیں رقم واپس کرتے وقت پوری وضاحت کردیں تاکہ معاملہ صاف ہو جائے اور کل کو کسی قسم کی کوئی بدمزگی پیدا نہ ہو۔