سوال:
مفتی صاحب! تمام انبیاء کرام علیہم السلام کی بعثت کا کیا مقصد تھا؟ براہ مہربانی رہنمائی فرمادیں۔
جواب: واضح رہے کہ انبیاء کرام علیہم الصلاۃ والسلام کی بعثت کا مقصد لوگوں کو معبودانِ باطلہ کی عبادت سے ہٹاکر صرف اور صرف خدائے وحدہ لاشریک کی عبادت کی طرف لانے کے لیے ان کو توحید، دینِ حق اور ایمان کی دعوت دینا ہے، اور وحی الٰہی کی تعلیمات سے آراستہ کرکے ان کے عقائد و اعمال کی درستگی کرنی ہے، نیز اس کے علاوہ معاشرہ میں عدل و انصاف اور نظامِ الٰہی قائم کرکے ظلم و زیادتی اور باطل قسم کے رسم و رواج کا خاتمہ کرنا ہے، اسی مقصد کے لیے انبیاء کرام علیہم الصلاۃ والسلام کی تشریف آوری ہوئی ہے، اور اس کے حصول کے لیے انہوں نے کسی بھی قسم کی قربانی دینے میں دریغ سے کام نہیں لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
الدلائل:
القرآن الكريم: ( النحل، الآية: 36)
وَلَقَدۡ بَعَثۡنَا فِی كُلِّ أُمَّةࣲ رَّسُولًا أَنِ ٱعۡبُدُوا۟ ٱللَّهَ وَٱجۡتَنِبُوا۟ ٱلطَّٰغُوتَۖ فَمِنۡهُم مَّنۡ هَدَى ٱللَّهُ وَمِنۡهُم مَّنۡ حَقَّتۡ عَلَیۡهِ ٱلضَّلَٰلَةُۚ فَسِیرُوا۟ فِی ٱلۡأَرۡضِ فَٱنظُرُوا۟ كَیۡفَ كَانَ عَٰقِبَةُ ٱلۡمُكَذِّبِینَ.
القرآن الكريم: ( الحدىد، الآية: 25)
لَقَدۡ أَرۡسَلۡنَا رُسُلَنَا بِٱلۡبَیِّنَٰتِ وَأَنزَلۡنَا مَعَهُمُ ٱلۡكِتَٰبَ وَٱلۡمِیزَانَ لِیَقُومَ ٱلنَّاسُ بِٱلۡقِسۡطِۖ وَأَنزَلۡنَا ٱلۡحَدِیدَ فِیهِ بَأۡسࣱ شَدِیدࣱ وَمَنَٰفِعُ لِلنَّاسِ وَلِیَعۡلَمَ ٱللَّهُ مَن یَنصُرُهُۥ وَرُسُلَهُۥ بِٱلۡغَیۡبِۚ إِنَّ ٱللَّهَ قَوِیٌّ عَزِیزࣱ.
واللّٰه تعالٰی اعلم بالصواب
دارالافتاء الاخلاص، کراچی