سوال:
مفتی صاحب ! کیا حاجی ایک دوسرے کا حلق یا قصر کر سکتے ہیں؟
جواب: واضح رہے کہ حالت احرام میں مناسکِ حج سے فارغ ہونے سے پہلے، اگر حاجی ایک دوسرے کے سر کے بال مونڈیں، تو سر مونڈنے والے پر صدقہ اور سر منڈوانے والے پر دم لازم آئے گا، لیکن اگر مناسک حج ادا کرنے کے بعد صرف احرام کی پابندیوں سے نکلنے کی نیت سے، ایک دوسرے کا حلق کریں، تو اس سے کچھ لازم نہیں آتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
غنیۃ الناسک: (258/1)
"وان حلق محرم رأس محرم قبل أوان التحلل بأمرہ أو بغیر امرہ فعلیہ صدقۃ، وعلی المحلوق دم۔ ولایتخیر فیہ، وان کان مکرھا، اونائما لانہ عذر من جھۃ العباد … وکذا اذا حلق رأس محرم فعلی الحالق الحلال صدقۃ، کما لو حلق نبات الحرم".
و فیھا ایضا: (ص: 174)
"ولو حلق رأسہ أو راس غیرہ من حلال أو محرم جازلہ الحلق لم یلزمھما شیٔ".
مناسک لملا علی القاری: (ص: 230)
"(واذا حلق) ای المحرم (رأسہ) ای رأس نفسہ (أو رأس غیرہ) ای ولو کان محرما (عند جواز التحلل) ای الخروج من الاحرام بأداء أفعال النسک (لم یلزمہ شیٔ) الاولی لم یلزمھما شیٔ وھذا حکم یعم کل محرم فی کل وقت".
واللہ تعالٰی اعلم بالصواب
دارالافتاء الاخلاص،کراچی