سوال:
نامحرم اگر سلام کرے تو اس کے سلام کا جواب دینا چاہیے؟
جواب: واضح رہے کہ مرد غیر محرم بوڑھی عورت کو سلام کرسکتا ہے، اسی طرح اس کے سلام کا جواب بھی دے سکتا ہے، البتہ اجنبی جوان عورت کو سلام نہیں کرنا چاہیے۔
واضح رہے کہ یہ حکم اس وقت ہے، جب کسی اجنبی غیر محرم کو بغیر ضرورت کے سلام کیا جائے، البتہ اگر کسی غیر محرم سے کوئی ضروری بات کی جارہی ہو، تو اس وقت سلام کرنے کی گنجائش ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
شعب الایمان للبیہقی: (فصل في السلام علی النساء، رقم الحدیث: 8896، 460/6، ط: دار الکتب العلمیة)
"عن یحی بن أبي کثیر قال: بلغني أنه یکره أن یسلم الرجل علی النساء، والنساء علی الرجل".
و فیہ ایضا: (رقم الحدیث: 8506، 256/11، ط: مکتبة الرشد)
"قال: و أخبرنا معمر، قال: کان قتادة یقول: أما امرأة من القواعد فلا بأس أن یسلم علیها، وأما الثانیة فلا".
واللہ تعالٰی اعلم بالصواب
دارالافتاء الاخلاص،کراچی