سوال: السلام علیکم، مجھے پچھلے سال اِس بات کا علم نہیں تھا کہ پراویڈنٹ فنڈ جو کہ ہماری کمپنی اپنے پاس رکھتی ہے، اس پر بھی زکوٰۃ ہوتی ہے، تو میں نے اس پر زکوٰۃ نہیں دی، اِس سال اِس وقت کے جمع شدہ پراویڈنٹ فنڈ پر میں نے زکوٰۃ دی، تو اب سوال یہ ہے کے پچھلے سال کی پراویڈنٹ فنڈ کی زکوٰۃ کیا پچھلے سال رمضان کے وقت موجود رقم پر ہوگی یا اِس سال کے مطابق ہوگی؟

جواب: واضح رہے کہ پراویڈنٹ فنڈ میں زکوة واجب ہونے میں اهل علم کی تحقیق یہ ہے کہ پراویڈنٹ فنڈ کی رقم جب تک ملازم کو وصول نہ ہوجائے، اس وقت تک اس پر زکوة واجب نہیں ہوتی اور رقم وصول ہونے کے بعد بھی گزشتہ سالوں کی زکوٰة واجب نہیں ہوتی، ایسی رقم پر زکوٰة کا وجوب اس وقت شروع ہوتا ہے، جس وقت سے وہ رقم وصول ہوئی ہے، البتہ جو پراویڈنٹ فنڈ جبری نہ ہو اور ملازم نے اپنے اختیارات سے اس کے لئے رقم کٹوائی ہو، اس کے معاملے میں احتیاط اسی میں ہے کہ رقم وصول ہونے پر سالہائے گزشتہ کی زکوٰة اد اکردی جائے ۔
لھذا اگر آپ کا پراویڈنٹ فنڈ جبری ہے، تو آپ پر اس فنڈ کی زکوۃ واجب نہیں ہے اور اگر اختیاری ہے تو احتیاطاً جتنی زکوۃ رہ گئی ہو، اس کو ادا کردیں۔