سوال: السلام علیکم،
مفتی صاحب ! ہمارے والد صاحب ہر سال ایک قربانی کیا کرتے تھے، انکے اور والدہ کے علم میں نہیں تھا کہ والدہ پر بھی قربانی واجب ہے۔ کچھ سال پہلے معلوم ہوا تو والدہ نے بھی شروع کر دی ہے۔
اب سوال یہ ہے کہ جن سالوں میں قربانی لاعلمی کی بنا پر نہ کیں وہ معاف ہیں؟ یا ان کی قضا قربانی کرنا ہوگی؟ یا کوئی کفارہ ہے؟ یا اس کی مقدار کسی غریب کو دی جا سکتی ہے؟ یا کوئی اور صورت ہے ؟ رہنمائی فرمائیں۔
جزاك اللہ

جواب: اگر قربانی کے ایام گزر جائیں اور صاحب نصاب شخص نے قربانی نہ کی ہو، تو اب قربانی کی قضاء نہیں ہے، البتہ اس صورت میں ایک متوسط بکرا یا بکری یا اس کی قیمت صدقہ کرنا ضروری ہے، جبکہ بعض علماء کے نزدیک قربانی کے ایک حصے کے برابر رقم صدقہ کرنا بھی کافی ہے۔