سوال:
مفتی صاحب! فجر کی دو رکعت سنتیں ادا کرتے وقت دوسری رکعت میں سورت پڑھنا بھول گیا اور آخر میں سجدہ سہو کر لیا۔ کیا اس صورت میں سجدہ سہو کرنا لازم تھا؟ رہنمائی فرمائیں۔
جواب: واضح رہے کہ اگر کوئی شخص فجر کی دو رکعت سنت ادا کرتے وقت کسی رکعت میں سورت پڑھنا بھول جائے تو اس پر آخر میں سجدہ سہو کرنا لازم ہوتا ہے، لہذا پوچھی گئی صورت میں آپ نے چونکہ سجدہ سہو کر لیا ہے، اس لیے آپ کی نماز ادا ہو چکی ہے۔
۔۔۔۔۔۔۔۔۔۔۔۔۔۔۔
دلائل:
البحر الرائق:(باب سجود السهو،271/1،ط: رشیدیه)
ﺿﻢ ﺳﻮﺭﺓ ﺇﻟﻰ اﻟﻔﺎﺗﺤﺔ ﻭﻗﺪ ﻗﺪﻣﻨﺎ ﺃﻥ اﻟﻤﺮاﺩ ﺑﻬﺎ ﺛﻼﺙ ﺁﻳﺎﺕ ﻗﺼﺎﺭ ﺃﻭ ﺁﻳﺔ ﻃﻮﻳﻠﺔ ﻓﻠﻮ ﻟﻢ ﻳﻘﺮﺃ ﺷﻴﺌﺎ ﻣﻊ اﻟﻔﺎﺗﺤﺔ ﺃﻭ ﻗﺮﺃ ﺁﻳﺔ ﻗﺼﻴﺮﺓ ﻟﺰﻣﻪ اﻟﺴﺠﻮﺩ.
فتاوی هندية:(في سجدة السهو،271/1،ط: رشیدیه)
ﻭﻟﻮ ﻗﺮﺃ اﻟﻔﺎﺗﺤﺔ ﻭﺣﺪﻫﺎ ﻭﺗﺮﻙ اﻟﺴﻮﺭﺓ ﻳﺠﺐ ﻋﻠﻴﻪ ﺳﺠﻮﺩ اﻟﺴﻬﻮ.
واللّٰہ تعالیٰ اعلم بالصواب
دار الافتاء الاخلاص کراچی