سوال:
زکوۃ کی زیادہ سے زیادہ حد کیا ہے، جو دی جا سکتی ہے؟ مثال کے طور پر ایک شخص کو 1 لاکھ روپے زکوٰۃ کی مد میں دے سکتے ہیں؟ نیز صرف بچوں کو زکوۃ دی جا سکتی ہے؟

جواب: ایک ہی مستحقِ زکوة شخص کو نصاب کے بقدر زکوة دینا مکروہ ہے، البتہ قرض دار کو نصاب سے زیادہ پیسے دینا کہ قرض کی ادائیگی کے بعد اس کے پاس نصاب کے برابر پیسے نہ بچیں، تو بلا کراہت جائز ہے، اور اسی طرح عیالدار کو اتنی زکوة دینا کہ اگر وہ اپنے اہل و عیال پر تقسیم کرے، تو ہر ایک کو نصاب سے کم پہنچے، تو ایسے شخص کو نصاب سے زیادہ پیسے دینا بلا کراہت جائز ہے۔
2۔ ایسا نابالغ جس کے والدین زکوۃ کے مستحق ہوں اور اس میں اتنا شعور ہو کہ وہ کسی شئ کو اپنے قبضہ میں لے سکے ، تواسے زکوۃ دیناجائز ہے۔