سوال: اگر میاں بیوی آپس میں محبت کر رہے ہوں اور پانی جیسی لیس دار رطوبت زیادہ مقدار میں نکل جائے تو کیا غسل فرض ہوجاتا ہے؟

جواب: میاں بیوی کے آپس میں محبت کے وقت شرمگاہ سے جو پانی نکلتا ہے وہ "مذی" کہلاتی ہے، فقہاء نے مذی کی پہچان یہ بتائی ہے کہ مذی اس سفید، پتلے اور لیس دار پانی کو کہتے ہیں جو بیوی سے دل لگی کرنے یا ہمبستری کرنے سے پہلے بغیر اچھلے اور بغیر شہوت کے نکلے، لہٰذا صورت مذکورہ میں جس رطوبت کاپوچھا گیا ہے، وہ بظاہر مذی معلوم ہوتی ہے، جس کا حکم یہ ہے کہ اس سے وضو ٹوٹ جاتا ہے، لیکن غسل واجب نہیں ہوتا، اور کپڑے کے جس حصہ میں یہ لگ جائے صرف اتنے حصہ کا دھونا ضروری ہوتا ہے، البتہ وہ رطوبت جس کے بعد شہوت ختم ہوکر طبیعت میں سستی آجاتی ہے، وہ شرعاً "منی" ہے اور اس کاحکم یہ ہے کہ اس سے غسل واجب ہو جاتا ہے۔