سوال: مفتی صاحب ! حفظ کی کلاس میں حفظ کرتے ہوئے کئی مرتبہ سجدہ تلاوت آتی ہیں، ایسی صورت میں سجدہ تلاوت کا کیا حکم ہے؟

جواب: حفظ کرنے والا بچہ بالغ اور سمجھ دار ہے، تو اس کے بار بار پڑھنے کی صورت میں سجدہ تلاوت واجب ہونے میں یہ تفصیل ہے کہ :
1۔۔ اگر ایک ہی آیت کئی مرتبہ ایک ہی مجلس میں پڑھی تو ایک ہی سجدہ کرنا واجب ہو گا۔
2۔۔ اگر ایک ہی آیتِ سجدہ کئی مرتبہ مختلف مجلس میں پڑھی تو ہر مجلس میں پڑھنے سے الگ سجدہ کرنا واجب ہو گا۔
3۔۔ اگر مختلف آیاتِ سجدہ پڑھیں تو ہر آیت سجدہ کے لیے الگ سجدہ کرنا واجب ہو گا،چاہے مجلس ایک ہو یا مختلف ہو۔
البتہ اگر بچہ نابالغ ہو تو اس پر سجدہ تلاوت پڑھنے سے سجدہ تلاوت واجب نہیں ہوگا۔