سوال: میں نے اپنی 200 ایکڑ زمین سالانہ 22500روپے فی ایکڑ ایک کاشتکار کو کرائے پر دی ہے، اس مد میں مجھے سالانہ 45 لاکھ پر ادا ہوں گے اور کس بھی قدرتی آفات کی صورت میں میں کرایہ لینے کا پابند نہیں ہوں۔ اس کے علاوہ فصلوں کی کاشتکاری میں ہونے والے نقصانات سے کرائے کی آمدنی پر کوئی فرق نہیں ہوگا۔ میری رہنمائی فرمائیں کیا میرا یہ عمل جائز ہے؟

جواب: پوچھی گئی صورت میں زرعی زمین کو اس طرح کرایہ پر دینا کہ کاشتکار زمین کے مالک کو باہمی رضامندی سے طے شدہ متعین رقم دے دے اور زمین کی پیداوار ساری کی ساری کاشتکار کی ہو، اس طرح کا معاملہ کرنا درست ہے، شرعاً اس میں کوئی حرج نہیں ہے، البتہ سوال میں ذکر کردہ قدرتی آفات والی شرط کو فریقین مزید واضح کرکے اس طرح طے کریں کہ بعد میں کوئی نزاع کی صورت پیش نہ آئے۔