سوال: السلام عليکم، جناب مفتی صاحب ! ميں نے ايک فريزر بيچنے کے ليے دکاندار کو ديا، ميں نے اس دکان دار کو کہا کہ یہ کتنے روپے میں بک جائے گا؟ تو اس نے کہا کہ 17000 يا 18000 میں بک جائے گا، تو ميں نے اس سے کہا کہ 14000 آئے يا اوپر جتنے روپے آئے، آپ کو 5% نفع طے ہے، 14000 سے کم نہيں بیچنا۔
اب 17 ہزار میں بک گیا،اب وہ کہتا ہے کہ 1000 روپے ميرا نفع ہے اور 16000 آپ لے لو، اب کيا کرنا چاہئے
14000 لے لوں يا کيا کروں؟ اور یہ بھی بتادیں کہ کیا اس طرح معاملہ کرنا درست ہے؟

جواب: کسی کو اپنی کوئی چیز بکوانے کا وکیل بنانا اور اس پر حاصل شدہ نفع میں اس وکیل کا فیصد کے اعتبار سے کوئی کمیشن طے کرنا جائز ہے، لہذا سوال میں مذکورصورت کے مطابق حاصل ہونے والے نفع میں سے پانچ فیصد وکیل کو ملے گا اور باقی نفع مؤکل (اصل مالک) کا ہوگا۔