سوال: السلام علیکم مفتی صاحب
میرا مسئلہ یہ ہے کہ اگر والد اپنے بیٹے کو 15000 روپے دے کر کہے کہ فلاں چیز میرے لیے لے کر آو اور اس چیز کی قیمت 15000 ہی ہے اور بیٹا دوکاندار سے کچھ پیسے کم کرائے تو وہ پیسے یہ بیٹا خود رکھ سکتا ہے والد کے اجازت کے بغیر ؟
اگر یہی معاملہ دوسرے لوگ آپس میں کریں تو کیا حکم ہے ؟

جواب: چونکہ آپ اپنے والد کے وکیل ہیں اور وکیل کو ملنے والا نفع اور نقصان شرعاً اس کے مؤکل کا نفع اور نقصان ہوتا ہے، لہذا دکاندار کی طرف سے جو پیسوں میں کمی ہورہی ہے، وہ کمی دراصل آپ کے والد کے لیے ہے، لھذا وہ منافع آپ کا اپنے لیے رکھنا جائز نہیں ہے۔