سوال:
مفتی صاحب! سوال یہ ہے کہ بہنوئی کے انتقال کی وجہ سے بہن کی عدت مکمل ہونے پر بہن کو کوئی ہدیہ وغیرہ دینے کے لئے شریعت میں کیا حکم ہے؟ برائے مہربانی رہنمائی فرمائیں۔
جواب: واضح رہے کہ عدت مکمل ہونے پر معتدہ کو ہدیہ (gift) دینا عدت ختم ہونے کے لوازمات میں سے نہیں ہے، لہذا سنت یا لازمی سمجھے بغیر دے دیا جائے تو اس کی گنجائش ہوگی، لیکن جس جگہ پر اس کو سنت یا لازمی سمجھا جاتا ہو تو وہاں اس عمل کو چھوڑنا ضروری ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
مرقاة المفاتيح: (755/2، ط: دار الفکر)
وفيه أن من أصر على أمر مندوب، وجعله عزما، ولم يعمل بالرخصة فقد أصاب منه الشيطان من الإضلال فكيف من أصر على بدعة أو منكر؟
کذا فی فتاوی بنوری تاؤن: رقم الفتوی: (144205200922)
واللہ تعالٰی اعلم بالصواب
دارالافتاء الاخلاص،کراچی