سوال:
اسلام میں پہلی صف کا بہت زیادہ اجر و ثواب بتایا گیا ہے، سوال یہ ہے کہ اگر مسجد کا نیچے والا حال فل ہو اور نمازی اوپر کے حال میں پہلی صف میں نماز ادا کرے تو اس کو پہلی صف کا ثواب ملے گا یا آخری صف کا ثواب ملے گا؟
جواب: واضح رہے کہ "پہلی صف" سے مراد وہ صف ہے جو امام کے بعد متصل بنتی ہے، لہذا حدیث مبارکہ میں پہلی صف میں نماز پڑھنے کی جو فضیلت وارد ہے، اس کا مصداق "امام کے پیچھے متصل بننے والی صف" ہے، جبکہ مسجد کے اوپر والے ہال کی پہلی صف، نچلے ہال کی صفوں کی تکمیل اور تتمہ ہے، اس لیے مسجد کے اوپر کے ہال کی صف کو "پہلی صف" شمار کرنا صحیح نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
رد المحتار: (569/1، ط: الحلبي )
مطلب في الكلام على الصف الأول [تنبيه آخر]
قال في البحر في آخر باب الجمعة: تكلموا في الصف الأول، قيل هو خلف الإمام في المقصورة، وقيل ما يلي المقصورة، وبه أخذ الفقيه أبو الليث لأنه يمنع العامة عن الدخول في المقصورة فلا تتوصل العامة إلى نيل فضيلة الصف الأول. اه.... ويؤخذ من تعريف الصف الأول بما هو خلف الإمام أي لا خلف مقتد آخر أن من قام في الصف الثاني بحذاء باب المنبر يكون من الصف الأول لأنه ليس خلف مقتد آخر، والله تعالى أعلم
واللہ تعالٰی اعلم بالصواب
دارالافتاء الاخلاص کراچی