سوال: اکثر لوگوں کو دیکھا ہے کہ چپل اگر الٹی ہوجائے تو فوراً اُس کو سیدھا کرتے ہیں، جیسے کوئی بہت بڑا مسئلہ ہو گیا ہو اور بچپن میں سنا تھا کہ الٹی چپل نعوذباللہ اُوپر کی جانب لعنت کرتی ہے۔ حضرت ! کیا ان باتوں کا دین میں کوئی ذکر ہے؟ وضاحت فرما دیں۔

جواب: واضح رہے کہ چپل کا سیدھا رکھنا چپل کے آداب اور سلیقہ میں سے ہے، اس لیے چپل سیدھی رکھنا اچھی بات ہے، البتہ الٹی چپل کے بارے میں یہ خیال کرنا کہ "الٹی چپل کو سیدھا نہ کرنے سے نعوذباللہ اللہ تعالیٰ کی بے ادبی لازم آتی ہے" یہ محض لوگوں کی گھڑی ہوئی باتیں ہیں، شریعت کا ان باتوں سے کوئی تعلق نہیں ہے۔
واللہ تعالٰی اعلم بالصواب
دارالافتاء الاخلاص،کراچی