سوال:
حضرت! میں یہاں سعودی عرب میں ہوتا ہوں، ہمارے یہاں چند یمنی بھائی ہیں، جب وہ نماز کے لیے آتے ہیں تو سری نمازوں میں بھی وہ آواز سے قراءت کرتے ہیں تو تنہا نماز میں قراءت کرنے کے اعتبار سے ہم حنفیوں کے لئے کیا حکم ہے؟
جواب: واضح رہے کہ انفرادی نماز پڑھنے والے کے لیے سری نمازوں (ظہر اور عصر) میں آہستہ آواز میں قراءت کرنا افضل ہے، لیکن اگر کسی نے جہرا ً(اونچی آواز سے) قراءت کرلی تو اس کی نماز ادا ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة:(128/1، ط: دار الفکر)
و المنفرد لايجب عليه السهو بالجهر و الإخفاء؛ لأنهما من خصائص الجماعة، هكذا في التبيين.
واللہ تعالٰی اعلم بالصواب
دارالافتاء الاخلاص،کراچی