سوال:
مفتی صاحب ! آرٹیفیشل انگوٹھی پر سونے یا چاندی کا پانی چڑھا ہو تو ایسی انگوٹھی پہن سکتے ہیں؟
جواب: واضح رہے کہ خاتون کے لیے سونے چاندی اور مرد کے لیے چاندی کے علاوہ کسی بھی دھات کی انگوٹھی پہننا مکروہ تحریمی ہے، تاہم اگر سونے چاندی کے علاوہ دوسری دھات سے بنی ہوئی انگوٹھیوں پر سونے یا چاندی کا پانی اس طرح چڑھا دیا جائے کہ اس انگوٹھی کی دھات چھپ جائے تو پھر بلا کراہت پہننا جائز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
سنن ابی داؤد: (باب ما جاء في خاتم الحدید، رقم الحدیث: 4242، 277/4، ط: دار ابن حزم)
عن أبي ذباب عن جدہ رضي اللّٰہ عنہ قال: کان خاتم النبي صلی اللّٰہ علیہ وسلم من حدید مَلوِيٌّ علیہ فِضۃٌ۔ قال: فرُبّما کان في یدي۔ قال: وکان المُعیقِیبُ علی خاتم النبي صلی اللّٰہ علیہ وسلم۔
الھندیۃ: (کتاب الکراہیۃ، الباب العاشر في استعمال الذھب و الفضۃ، 335/5)
والتختم بالحدید والصفر والنحاس والرصاص مکروہ للرجال والنساء جمیعا … ولا بأس بأن یتخذ خاتم حدید قد لوي علیہ فضۃ أو ألبس بفضۃ حتی لا یری۔
واللہ تعالٰی اعلم بالصواب
دارالافتاء الاخلاص،کراچی