سوال:
بعض حضرات کا کہنا ہیکہ میاں بیوی میں سے اگر کوئی مر جائےتو دوسرا اس میت کا چہرہ نہیں دیکھ سکتا۔ اس بارے میں شریعت کا کیا حکم ہے؟
جواب: دونوں (میاں بیوی) ایک دوسرے کا چہرہ دیکھ سکتے ہیں، جبکہ بیوی اپنے مرحوم شوہر کو ہاتھ بھی لگا سکتی ہے، مگر شوہر کو مرحومہ بیوی کو ہاتھ لگانے کی اجازت نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار مع رد المحتار: (کتاب الصلاة، باب الجنائز، 198/2)
ویمنع زوجہا من غسلہا و مسہا لا من النظر الیھا علی الاصح۔۔۔۔۔و ھی لا تمنع من ذلک۔ ۔۔۔۔الخ
وفی الشرح: ولعل وجھہ ان النظر اخف من المس فجاز لشبھة الاختلاف.
واللہ تعالٰی اعلم بالصواب
دارالافتاء الاخلاص،کراچی