سوال:
مفتی صاحب! مسئلہ یہ پوچھنا ہے کہ اگر مسجد کے اندرونی ہال میں ائرکنڈیشن "AC" لگا ہوا ہونے کی وجہ سے ہال کے دروازوں کو بند رکھا جائے، تو جو لوگ برآمدے میں امام کی اقتدا کر رہے ہیں، ان کی اقتدا درست ہے؟
جواب: اگر برآمدے میں نماز پڑھنے والوں کو امام کے ایک رکن سے دوسرے رکن منتقل ہونے کا علم ہوتا رہے، تو اقتدا درست ہے، اگرچہ سارے دروازے بند ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
غنیة المستملي: (ص: 524)
وان کان الباب مسدودا و الکوة صغیرة لا یمکن النفوذ منہا او مشبکة فان کان لا یشتبہ علیہ حال الامام برویة او سماع لا یمنع علی ما اختارہ شمس الائمة الحلوانی قال فی المحیط وھو الصحیح وکذا اختارہ قاضیخان وغیرہ۔
واللہ تعالٰی اعلم بالصواب
دارالافتاء الاخلاص،کراچی