سوال:
السلام علیکم، مفتی صاحب! میں نے عصر کی نماز نہیں پڑھی ہو اور مغرب کی اَذان میں 5 منٹ باقی ہوں تو کیا اس وقت عصر کی نماز پڑھ سکتا ہوں؟
جواب: عصر کی نماز کا آخری وقت سورج غروب ہونے سے پہلے تک ہے، لیکن عصر کی نماز میں اتنی تاخیر کرنا کہ سورج کی روشنی ماند پڑ کر سرخ ہوجائے اور نظریں سورج پر ٹکنے لگیں، مکروہ ہے، بہرحال اس تاخیر کی صورت ميں بھی کراہت کے ساتھ نماز ادا ہوجائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
صحیح مسلم: (باب الأوقات التي نهي عن الصلاة فیها، رقم الحدیث: 831)
عن عقبة بن عامر الجهني رضي اللّٰه عنه یقول: ثلاث ساعات کان رسول اللّٰه صلی اللّٰه علیه وسلم نهانا أن نصلي فیهن: حین تطلع الشمس بازغةً حتی ترتفع، وحین یقوم قائم الظهیرة حتی تمیل الشمس، وحین تضیف الشمس للغروب حتی تغرب".
مراقي الفلاح: (ص: 180)
"وطلوع الشمس في الفجر لطرو الناقص علی الکامل، وزوالها أي الشمس في صلاة العیدین، ودخول وقت العصر في الجمعة".
الدر المختار: (372/1، ط: دار الفکر)
"وغروب إلا عصر یومه فلایکره فعله؛ لأدائه کما وجب بخلاف الفجر".
واللہ تعالٰی اعلم بالصواب
دارالافتاء الاخلاص،کراچی