سوال:
مفتی صاحب! کیا ناپاک شلوار میں غسل کرنے سے غسل ہوجاتا ہے؟
جواب: واضح رہے کہ اگر کوئی جنبی غسل کے تین فرائض (کلی کرنا، ناک میں پانی ڈالنا اور پورے بدن پر ایک بار پانی بہانا) پورے کرلے تو اس کا فرض غسل ادا ہوجائے گا، اور اگر وہ اس دوران جسم اور کپڑوں پر اس قدر پانی بہادے کہ جس سے پورے جسم تک پانی پہنچ جائے اور کپڑوں کی نجاست بھی اچھی طرح دھل کر زائل ہوجائے تو ایسی صورت میں جسم اور کپڑے دونوں پاک ہو جائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الهندية: (13/1، ط: دار الفکر)
(الفصل الأول في فرائضه) وهي ثلاثة: المضمضة، والاستنشاق، وغسل جميع البدن على ما في المتون. وحد المضمضة والاستنشاق كما مر في الوضوء من الخلاصة.
وفیه ایضاً: (41/1، ط: دار الفکر)
(منها) الغسل يجوز تطهير النجاسة بالماء وبكل مائع طاهر يمكن إزالتها به كالخل وماء الورد ونحوه مما إذا عصر انعصر. كذا في الهداية.
واللہ تعالٰی اعلم بالصواب
دارالافتاء الاخلاص کراچی