سوال:
مفتی صاحب! کتنے مہینہ کا حمل ضائع ہونے پر اس حمل پر جنازہ پڑھنا لازمی ہوتا ہے؟
جواب: واضح رہے کہ مردہ پیدا ہونے والے بچے کی نمازِ جنازہ کا تعلق ہفتوں سے نہیں ہے کہ اتنے ہفتوں کے بعد پیدا ہونے والے مردہ بچے کی نمازِ جنازہ پڑھی جائے گی، اور اس سے کم کی نہیں پڑھی جائے گی، بلکہ اس کا تعلق دراصل اس بات سے ہے کہ اگر وہ مردہ پیدا ہوا ہو، اور اس میں زندگی کی کوئی علامت (آواز یا سانس وغیرہ) نہیں پائی گئی ہو تو اس کی نمازِ جنازہ نہیں پڑھی جائے گی، لیکن پیدائش کے وقت زندگی کی کوئی علامت پائی جانے کے بعد اگر اس کا انتقال ہوا ہو تو ایسی صورت میں اس کی نمازِ جنازہ پڑھی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
الدلائل:
الدر المختار مع رد المحتار: (227/2، ط: دار الفكر)
(ومن ولد فمات يغسل ويصلى عليه) ويرث ويورث ويسمى (إن استهل) بالبناء للفاعل: أي وجد منه ما يدل على حياته بعد خروج أكثره.
(قوله أي وجد منه ما يدل على حياته) أي من بكاء أو تحريك عضو أو طرف ونحو ذلك بدائع، وهذا معناه في الشرع كما في البحر. وقال في الشرنبلالية: يعني الحياة المستقرة، ولا عبرة لانقباض وبسط اليد وقبضها لأن هذه الأشياء حركة المذبوح ولا عبرة بها، حتى لو ذبح رجل فمات أبوه، وهو يتحرك لم يرثه المذبوح لأن له في هذه الحالة حكم الميت كما في الجوهرة. اه.
أقول: وما نقلناه عن البدائع مشى عليه في الفتح والبحر والزيلعي، ويمكن حمله على ما في الشرنبلالية تأمل.
عمدۃ الفقہ: (491/2، ط: زوّار اکیڈمی پبلی کیشنز)
واللّٰه تعالٰی اعلم بالصواب
دارالافتاء الاخلاص، کراچی