سوال: اگر کسی شخص کے سونے یا چاندی کے مصنوعی دانت لگے ہوں تو اس کے لیے غسل کے بارے میں کیا حکم ہے، کیا اس کو دانت نکال کر غسل کرنا ضروری ہے یا ان مصنوعی دانتوں کے ساتھ غسل کر سکتا ہے؟

جواب: واضح رہے کہ اگر مصنوعی دانت اس طرح لگائے گئے ہوں کہ ان کو الگ کرنا دشوار ہو تو وہ اصل دانتوں کے حکم میں ہیں، ان کو نکالے بغیر غسل کر سکتے ہیں، لیکن اگر دانت اس طرح لگائے گئے ہوں کہ وہ بآسانی نکال کر دوبارہ لگائے جاسکتے ہوں تو غسل کرتے ہوئے ان کو نکال کر کلی کرنا لازم ہوگا۔