سوال:
السلام علیکم ورحمۃ اللہ، اللہ آپ کو جزائے خیر دے، خواتین کے سفر میں کچھ وقت کی بھی قید ہے کہ کچھ سفر ایسا ہو جو تین چار گھنٹے کا ہو تو وہ نامحرم کے ساتھ یا بغیر محرم کے ہوسکتا ہے اور کچھ مخصوص مدت تک کا بڑا سفر ہو تو اس میں محرم کی ضرورت ہے؟ کچھ اس بارے میں رہنمائی فرمائیں۔ جزاک اللہ
جواب: کیلو میٹر کے حساب سے سفر کی شرعی مسافت 77.8کلو میٹر ہے اورمیل کے حساب سے اڑتالیس میل بنتی ہے۔
اگر اتنا سفر کرنے کا ارادہ ہو تو یہ شرعی سفر کہلاتا ہے اور شرعی سفر میں عورت کا بغیر محرم سفر کرنا درست نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
شرح معانی الآثار: (114/2، ط: عالم الکتب)
عن أبي هريرة رضي الله عنه قال: قال رسول الله صلى الله عليه وسلم: «لا يحل لامرأة أن تسافر مسيرة ثلاثة أيام إلا مع رجل يحرم عليها نكاحه»
بدائع الصنائع: (123/2، ط: دار الکتب العلمیۃ)
عن ابن عباس - رضي الله عنه - عن النبي - صلى الله عليه وسلم - أنه قال: ألا «لا تحجن امرأة إلا ومعها محرم» ، وعن النبي - صلى الله عليه وسلم - أنه قال: «لا تسافر امرأة ثلاثة أيام إلا ومعها محرم أو زوج» ولأنها إذا لم يكن معها زوج، ولا محرم لا يؤمن عليها إذ النساء لحم على وضم إلا ما ذب عنه، ولهذا لا يجوز لها الخروج وحدها.
واللہ تعالٰی اعلم بالصواب
دارالافتاء الاخلاص،کراچی