سوال: السلام علیکم، مفتی صاحب! ایک آدمی محض زیب و زینت کی خاطر چہرے سے تل وغیرہ اکھاڑتا ہے، یہ اللہ تعالی کے خلقت میں تغیر کے مترادف تو نہیں ہے؟ شرعا اس کا کیا حکم ہے؟

جواب: واضح رہے کہ کسی بھی انسان کا اپنے جسم کے اندر ایسا تصرف کرنا، جس سے اللہ تعالی کی خلقت میں تغیر لازم آجائے، ناجائز ہے، البتہ اگر بیماری کی وجہ سے جسم پر کوئی چیز نکل جائے، جو انسان کے حسن و جمال میں کمی کا باعث بنتی ہو تو اس کو ہٹانا جائز ہے، لہٰذا چہرے پر تل کا ہونا بھی ایک بیماری ہے، جس سے چہرے کا قدرتی حسن متاثر ہوتا ہے، اس لیے اس کو اکھاڑنا جائز ہے۔