سوال:
بہت سارے لوگوں کو یہ کہتے ہوئے سنا ہے کہ میری زندگی اس کو لگ جائے۔ کیا ایک شخص کی زندگی دوسرے شخص کو لگ سکتی ہے؟
جواب: واضح رہے کہ ہر انسان کی پیدائش سے پہلے اللہ تعالی نے اس کی ایک اجل اور عمر مقرر کردی ہے، جس میں ایک گھڑی بھی تقدیم و تاخیر نہیں ہوگی، لہذا کسی شخص کی زندگی دوسرے شخص کو لگنے کا فلسفہ درست نہیں ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القرآن الکریم: (ال عمرآن، الآیۃ: 145)
وَ مَا کَانَ لِنَفْسٍ اَنْ تَمُوْتَ اِلَّا بِاِذْنِ اللّٰہِ کِتٰبًا مُّؤَجَّلًا ؕ۔۔۔۔الخ
و قولہ تعالی: (یونس، الآیۃ: 49)
اِذَا جَآءَ اَجَلُہُمْ فَلَا یَسْتَاْخِرُوْنَ سَاعَۃً وَّ لَا یَسْتَقْدِمُوْنَo
واللہ تعالٰی اعلم بالصواب
دارالافتاء الاخلاص،کراچی