سوال:
السلام علیکم، مفتی صاحب! میرے کچھ دوست ہفتے والے دن نوری آباد فیکٹری میں آتے ہیں، اور پورا ہفتہ فیکٹری میں قیام کرتے ہیں، اور پھر جمعرات کو واپس کراچی جاتے ہیں، تو ان کے لیے نماز قصر کرنے کے بارے میں کیا حکم ہے؟
جواب: پوچھی گئی صورت میں اگر کراچی سے نوری آباد کا فاصلہ مسافت سفر (77.24 کلو میٹر) سے کم ہے تو وہ مکمل نماز پڑھیں گے، اور اگر مسافت سفر یا اس سے زیادہ ہے اور پندرہ دن سے کم کی نیت ہے تو قصر نماز پڑھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الھندیة: (الباب الخامس عشر فی صلاة المسافر، 139/1)
ولابد للمسافر من قصد مسافة مقدرة بثلاثة ایام حتی یترخص برخصة المسافرین۔۔۔۔۔ الخ۔
واللہ تعالٰی اعلم بالصواب
دارالافتاء الاخلاص،کراچی