سوال: مفتی صاحب! بہت سے مرد حضرات شلوار پتلون وغیرہ کے پائینچے ٹخنوں سے نیچے رکھتے ہیں، براہ کرم رہنمائی فرمائیں کہ مرد حضرات کا نماز اور نماز سے باہر پائینچے ٹخنوں سے نیچے رکھنے کا کیا حکم ہے؟

جواب: واضح رہے کہ مرد حضرات کے لیے چاہے نماز میں ہوں یا نہ ہوں، ہر حالت میں پائینچے ٹخنوں سے نیچے رکھنا ناجائز ہے، لہذا اگر پینٹ یا شلوار کے پائینچے ٹخنوں کے نیچے ہوں تو نماز شروع ہونے سے پہلے اسے ٹخنوں سے اوپر کرلینا چاہیے، اور اگر نماز میں پائینچے ٹخنوں سے نیچے لٹک رہے ہوں تو شلوار کو ایک ہاتھ سے پکڑ کر اوپر کرنے کی گنجائش ہے۔