سوال:
السلام علیکم، مفتی صاحب! عورت اپنے سر میں کنگا کرتی ہے، تو اس کے سر سے بال گرتے ہیں، تو ان بالوں کا عورت کیا کرے، شریعت اس بارے میں کیا کہتی ہے؟
جواب: واضح رہے کہ عورت کے سر کے بال بھی ستر میں داخل ہیں، لہذا جو بال کنگھی کرنے سے گر جاتے ہیں، ان کا بھی دیکھنا نامحرم کے لئے جائز نہیں ہے، اس لئے ان بالوں کو پھینکنا نہیں چاہیے، بلکہ کسی جگہ مٹی میں دبا دینا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الدر المختار: (کتاب الحظر و الاباحۃ، 371/6)
وکل عضو لا یجوز النظر إلیہ قبل الانفصال لا یجوز بعدہ، ولو بعد الموت کشعر عانۃ وشعر رأسہا۔
واللہ تعالٰی اعلم بالصواب
دارالافتاء الاخلاص،کراچی