سوال: اکثر لوگ اذان کے دوران قرآن مجید کی تلاوت کررہے ہوتے ہیں اور اذان کا جواب نہیں دیتے، جبکہ حدیث میں آتا ہے کہ حضرت عائشہؓ اذان کے وقت قرآن مجید کی تلاوت بند کر دیتی تھیں اور اذان کا جواب دیتی تھیں۔ براہ کرم اس بارے میں رہنمائی فرمائیں۔

جواب: واضح رہے کہ اذان کا جواب زبان سے دینا مستحب ہے، لہذا افضل یہ ہے کہ قرآن مجیدکی تلاوت موقوف کر کے اذان کا جواب دیا جائے۔ تاہم اگر قرآن مجید کی تلاوت جاری رکھی جائے،تب بھی گناہ کی کوئی بات نہیں ہے۔