سوال:
کچھ بزرگ فرماتے ہیں کہ جو ضعیف احادیث کے اندر فضائل کے اعتبار سے وظائف آئے ہیں، ان پر عمل کرنے میں کوئی حرج نہیں ہے، کیا یہ صحیح ہے؟
جواب: بعض علماء کے نزدیک ضعیف حدیث پر عمل نہیں ہوسکتا، لیکن جمہور علماء کہتے ہیں کہ ضعیف حدیث پر تین شرائط کے بعد عمل ہوسکتا ہے، پہلی شرط یہ ہے کہ اس کا ضعف اس درجہ کا نہ ہو کہ موضوع(من گھڑت)کی حد تک پہنچ جائے اور دوسری شرط یہ ہے کہ وہ کسی دوسری صحیح حدیث یا اصول دین سے متصادم نہ ہو اور تیسری شرط یہ ہے کہ جو عمل اس حدیث سے ہم مستنبط کر رہے ہیں یعنی کہ جس پر وہ ضعیف حدیث دلالت کر رہی ہے، اس عمل کو سنت نہ کہا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
الموسوعۃ الفقھیۃ الکویتیۃ: (161/32، ط: دار السلاسل)
قال العلماء: يجوز العمل بالحديث الضعيف بشروط، منها:
أ - أن لا يكون شديد الضعف، فإذا كان شديد الضعف ككون الراوي كذابا، أو فاحش الغلط، فلا يجوز العمل به.
ب - أن لا يتعلق بصفات الله تعالى ولا بأمر من أمور العقيدة، ولا بحكم من أحكام الشريعة من الحلال والحرام ونحوها.
ج - أن يندرج تحت أصل عام من أصول الشريعة.
د - أن لا يعتقد عند العمل به ثبوته، بل يعتقد الاحتياط
واللہ تعالٰی اعلم بالصواب
دارالافتاء الاخلاص،کراچی