سوال:
کیا عورت کا پارک میں جا کر واک کرنا جائز ہے ؟ جب کہ پارک کے ٹریک پہ عورتوں کے ساتھ مرد حضرات بھی واک کر رہے ہوتے ہیں، قرآن و حدیث کی روشنی میں وضاحت فرما دیں۔ جزاك الله خیر
جواب: صورتِ مسئولہ میں بہتر یہ ہے کہ عورت ایسے وقت میں چہل قدمی کرنے کے لیے پارک میں جائے، جس وقت مرد حضرات نہ ہوں، لیکن اگر کوئی ایسی صورت ممکن نہ ہو اور چہل قدمی کرنا ضرورت کے درجہ میں ہو، تو مکمل پردہ اور شرم و حیاء کا اہتمام کرتے ہوئے، ایسے وقت میں بھی جانے کی گنجائش ہوگی، جبکہ مرد حضرات موجود ہوں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
القران الکریم: (الاحزاب، الایۃ: 33)
وَلَا تَبَرَّجْنَ تَبَرُّجَ الْجَاهِلِيَّةِ الْأُولَىٰ ۖ ۔۔۔۔الخ
صحیح مسلم: (کتاب السلام، باب اباحۃ الخروج للنساء لقضاء حاجۃ الانسان)
عن عائشة رضي الله عنها قالت : خرجت سودة بعد ما ضُرب الحجاب لحاجتها وكانت امرأة جسيمة لا تخفى على من يعرفها , فرآها عمر بن الخطاب فقال : يا سودة أما والله ما تخفين علينا فانظري كيف تخرجين . قالت فانكفأت راجعة ورسول الله صلى الله عليه و سلم في بيتي وإنه ليتعشى وفي يده عرق فدخلت فقالت يا رسول الله إني خرجت لبعض حاجتي فقال لي عمر كذا وكذا قالت : فأوحى الله إليه ثم رفع عنه وإن العرق في يده ما وضعه فقال : إنه قد أذن لكن أن تخرجن لحاجتكن.
واللہ تعالٰی اعلم بالصواب
دارالافتاء الاخلاص،کراچی