عنوان: سی سی ٹی وی کیمرا ہونے کے باوجود حفاظتی کتا رکھنے کا حکم(102699-No)

سوال: مفتی صاحب ! السلام علیکم، کیا آج کل ہمارے پاس کیمرے اور الارم سسٹم موجود ہیں تو کیا گھر کی نگرانی کے لئے کتے کو رکھنا جائز ہے؟

جواب: واضح رہے کہ سی سی ٹی وی کیمرا، حفاظت کرنے والے کتےکا کلی طور پر متبادل نہیں ہو سکتا ہے کیونکہ حفاظتی کتا بر وقت حفاظت مثلا، چوروں اور جانوروں وغیرہ کو بھگانے کے طور پر استعمال ہوتا ہے اور یہ کام سی سی ٹی وی کیمرا نہیں کر سکتا ہے، لھذا سی سی ٹی وی کیمرے کے ہوتے ہوئے بھی ضرورت کی بنا پر حفاظتی کتا رکھنا جائز ہے، بشرطیکہ اسے گھر میں کمروں میں نہ رکھا جائے، بلکہ کتے کے رہنے کی جگہ گھر کے باہر یا صحن میں ایک علیحدہ حصہ میں بنائی جائے۔

واضح رہے کہ یہ حکم حفاظتی کتا رکھنے کے لئے ہے، شوق کے لئے پالتو کتا رکھنے کی کسی صورت میں شریعت میں اجازت نہیں ہے۔

________
دلائل
کما فی المشکاۃ:
من اتخذ کلباالاکلب ماشیۃ اوصیداوزرع اتنقص من اجرہ کل یوم قیراط۔
(باب ذکرالکلب)

وفی الھندیۃ:
وفی الاجناس لا ینبغی ان یتخذ کلبا الا أن یخاف من اللصوص اوغیرہم وبعدعبارۃ یسیرۃ ویجب ان یعلم بان اقتناء الکلب لاجل الحرس جائز شرعاً وکذٰلک اقتناۂ للاصطیاد مباح وکذٰلک اقتناۂ لحفظ الزرع والماشیۃ جائز و کذافی الذخیرۃ۔
(ج:4/242)

واللہ تعالٰی اعلم بالصواب
دارالافتاء الاخلاص، کراچی

(مزید سوالات و جوابات کیلئے ملاحظہ فرمائیں)
http://AlikhlasOnline.com

معاشرت (اخلاق وآداب ) میں مزید فتاوی

Find here answers of your daily concerns or questions about daily life according to Islam and Sharia. This category covers your asking about the category of Characters & Morals

06 Dec 2019
جمعہ 06 دسمبر - 8 ربيع الثانی 1441

Copyright © AlIkhalsonline 2019. All right reserved.

Managed by: Hamariweb.com / Islamuna.com