سوال:
حضرت ! وطن اصلی سے کیا مراد ہے؟
جواب: "وطن اصلی" وہ ہے، جہاں پر آدمی اپنے اہل و عیال کے ساتھ مستقل رہتا ہو یا پیدائش کی جگہ ہو اور اس میں زندگی گزارنے کا ارادہ رکھتا ہو، اور مستقل طور پر وہاں سے بال بچے اور مال و سامان لے کر کسی اور جگہ منتقل نہ ہو۔ (سفر کے مسائل کا انسائیکلوپیڈیا: 345/2)
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
بدائع الصنائع: (کتاب الصلاۃ، فصل فی بیان ما یصیر المسافر بہ مقیما، 102/1، ط: سعید)
وطن الاصلی وھو وطن الانسان فی بلدتہ او بلدۃ اخری اتخذھا دارا وتوطن بھا مع اھلہ وولدہ، ولیس من قصدہ الارتحال عنھا، بل تعیش بھا.
المحیط البرھانی: (کتاب الصلاۃ، الفصل الثانی و العشرون فی صلاۃ السفر، 26/2، ط: ادارۃ القرآن)
وطن اصلی وھو مولد الرجل.
واللہ تعالٰی اعلم بالصواب
دارالافتاء الاخلاص،کراچی