سوال:
السلام علیکم، مفتی صاحب! کیا ایسی مسجد میں جو بڑے نالے یا کٹھے (جس میں علاقہ کے سب گھروں کا گندہ پانی بہتا ہو) کے اوپر بنائی گئی ہو تو اس میں نماز پڑھنے سے نماز ادا ہو جائے گی؟ نیز کیا بڑے سے نالے، کٹھے یا نہر کے اوپر مسجد بنائی جا سکتی ہے؟ جزاک اللہ
جواب: واضح رہے کہ نالے عام طور پر حکومت کی ملکیت ہوتے ہیں، لہٰذا حکومت کی اجازت سے نالے کے اوپر مسجد تعمیر کی جاسکتی ہے اور اس میں نماز کی ادائیگی درست ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
دلائل:
المبسوط للسرخسي: (23/10، ط: دار المعرفة)
«وفي الحديث دليل: أن للإمام ولاية الإقطاع فيما ليس بملك لإنسان بعينه؛ لأن ما كان الحق فيه لعامة المسلمين فالتدبير فيه إلى الإمام»
واللہ تعالٰی اعلم بالصواب
دارالافتاء الاخلاص،کراچی